‘Aye, it’s lookin bad in Lashnagar’.
‘Ah know. Mary wad be turnin. Her auldest laddie wis killed oot there. A went tae the funeral in Fauldhoose. Right sad it wis. They had tea efter in the golf club.’
(Music) A memory from your lonesome past keeps us so far apart……
‘A widnae buy the Persil capsules. They’re awfy dear here. Ye get mair in the Aerial box an it’s cheaper.’
‘A usually buy the powder but a thocht a wid gie the capsules a try.’
‘A wis talkin tae Liz the ither day. She wis sayin that her lassie got a job helpin out at COP.’
‘She micht see the pope there.’
(Music) And so my heart is paying now for things I didn’t do……
‘Am no sure a believe in aw that climate disaster stuff.’
‘Weel baith be deid lang afore that.’
They both laugh.
‘Pass me some broccoli’.
‘Am gonna hae some as well. The wee hamster loves it.’
‘A watched nippy on the TV. She wis sayin that frae Monday ye can meet who ye want.’
‘An still wear face masks oot shoppin.’
(Music) There was a time when I believed that you belonged to me……
‘Ah need a pan half’.
They both turn and head up the bread aisle.
‘Ah see Boris is up for a visit.’
‘Ah cannae stand the man. That big fat ugly blond heid. He can weir a mask aw the time. It wid be an improvement.’
‘Jings, wid ye look at the price o the breid. Am no payin that.’
‘Aye, it’s cheaper in Iceland.’
‘That’s a bit far to go though.’
Laughing.
(Music) Why can’t I free your doubtful mind and melt your cold, cold heart……
‘There’s a new family moved in next door to Morag. She thinks they are frae Afghanistan.’
‘Dae thay speak English?’
‘Morag says the man does. It wis aw in the news about the translators.’
(Music) You’ll cry and cry and try to sleep…..
‘We can get a tea in the Asda café before we go. They’re doin a meal deal special up to eleven.’
They both turn and head towards the exit.
‘Am still no sure aboot aw that climate stuff.’
‘Ah know. Ah widnae mind meetin the Pope in Glesga though. A wad ask him tae pray for oor Morag. That new boyfriend of hers is no very good wi the weans.’
(Music) When tears come down like fallin’ rain…….
One Pagers 